دين ابوهم اسمه ذل
بتسألونى دين ابوهم اسمه ايه؟
طب ده سؤال ما احنا عارفين من زمان
دين ابوهم اسمه ذل للشعب الجعان
دين ابوهم اسمه قهرلكل انسان
دين ابوهم اسمه سرقه للامان
هاتسألونى هما مين ؟
هقولكم
هما ناس متلونين
بالف لون والف وش
هما كل دينهم زييف و غش
هما حرامية بنوك ولو حصلت عيش و مش
هما ناس منافقين
متسلقين
متسلطين
متزلفين
لاى سيد ماهم فى الاصل عبيد
المهم يكون فيه سيد
وهما جاهزين للنفاق
ماهما فى الاصل عبيد
هاتسألونى هما فين؟
هما فى كل الشقوق
هما فى كل الجحور
فى الوزاره والمحافظه والديوان
بيستخبوا ورا اى مسؤل جبان
يسرقوا و يهلبوا ويخربوا الاوطان
هاتسألونى هما كام؟
هاقولكم هما كتييييييير
منهم رئيس او
وزير
منهم محامى او مدير
منهم قاضى او سفير
منهم حرامى اراضى صغير
منهم مهرب او اعلامى كبير
مش قولتلكم هما كتيييييييييييير
نفس الوشوش
ردحذفنفس الكروش
نفس الهاموش
انتو ايه مبتختشوش
مانتو غرتو ويا سيدكو
ولبدتم فى جحركو مابتبنوش
دلوقتى جيتومع سيد جديد
والجيوب طفحه بقروش
قروش حرام و قروش فساد
بالذمه صح بس قول
ما سرقتوش !!!!!
ما نهبتوش !!!!!
ما ارتشتوش !!!!!
ما زورتوش !!!!!
ما افسدتوش !!!!!
ما تخفوش
مش هاقول لحد عليكم
بتقولو ايه ما يهمكوش
اه يا غجريا بتدارى الوشوش
انتم بشر لا ده انتم وحوش
بس انسو
سيدكو الجديد فاهم وراسى
وعارف اصول لعب الكراسى
هى خطوه
و بعد منها بالقديمه
ايوه يا اولاد القديمه
ما هى لعبه و اللى يلعب
لازم يكون ابن لائيمه
سامعنى يا اولاد القديمه